ԱՎԱԳ ԴԻԼԵՐԻ ԹԱՓՈՒՐ ՀԱՍՏԻՔԻ ՀԱՄԱԼՐՄԱՆ ՄՐՑՈՒՅԹ

Պաշտոն

Ավագ Դիլեր

Աշխատանքի նպատակը

Ֆինանսական գործարքների իրականացում, ռիսկերի բացահայտում և դրանց վերացմանն ուղղված առաջարկությունների ներկայացում։

Կրթություն

Բարձրագույն տնտեսագիտական կամ ֆինանսական մասնագիտությամբ

Պահանջներ

Մասնագիտական փորձը՝ առնվազն 4 տարի

Գիտելիքները (բնագավառը, խորությունը)

·Ֆինանսներ, ակտիվների և ռիսկերի կառավարում (խորացված)

·Հիմնադրամի գործունեությունը կանոնակարգող օրենքների, իրավական ակտերի իմացություն (խորացված)

·ՀՀ ֆինանսական շուկայի գործունեությունը կարգավորող իրավական ակտերի իմացություն

·Համադրելի գործունեության միջազգային պրակտիկայի իմացություն,

·Հայերենի ազատ տիրապետում, ուսերենի և անգլերենի գերազանց իմացություն։

Աշխատանքային գրաֆիկ

Երկուշաբթի-ուրբաթ 9:00-18:00

Պարտականություններ

1.Ֆինանսական ակտիվների կառուցվածքի, ժամկետայնության, եկամտաբերության վերլուծություն և ուղենիշային պայուսակի հետ համեմատության իրականացում, ֆինանսական ակտիվների կատարողականի գնահատում, Հիմնադրամի ֆինանսական գործարքների և միջոցների վերաբերյալ հաշվետվությունների կազմում:

2. Ֆինանսական շուկայում գործարքների կնքում (այդ թվում՝ վճարման հանձնարարականների կազմում, գործարքի տվյալների գրանցում)՝ Հիմնադրամի ներդրումային քաղաքականության և ուղենիշերին համապատասխան:

3. Հիմնադրամի միջոցների կառավարման հետ կապված ռիսկերի բացահայտում, դրանց գնահատում և կառավարման նպատակով առաջարկությունների ներկայացում, ռիսկերի նկարագրի և ռիսկերի կառավարման գործընթացների վերաբերյալ հաշվետվությունների ներկայացում:

4. Ֆինանսական շուկաների վերլուծություն, տեղեկանքների կազմում և ներկայացում ղեկավարությանը:

5. Հիմնադրամի ներդրումային քաղաքականության կատարելագործմանն ուղղված առաջարկների ներկայացում և փոփոխությունների իրականացմանն անմիջական մասնակցություն:

6. «Ֆիզիկական անձանց բանկային ավանդների հատուցումը երաշխավորելու մասին» ՀՀ օրենքով սահմանված բանկի անվճարունակության դեպքում հատուցման գործընթացի կազմակերպմանը մասնակցություն:

Հմտություններ

ֆինանսական և վիճակագրական վերլուծություն կատարելու ունակություն, MS  Excel-ի  խորացված իմացություն:

Այլ պահանջներ

բանավոր և գրավոր ձևով մտքերը գրագետ շարադրելու կարողություն,  համապատասխան որակավորման առկայությունը նախընտրելի է (FRM, CFA):

Անհրաժեշտ փաստաթղթեր և դիմելու կարգ

Աշխատանքի համար դիմելու նպատակով անհրաժեշտ է լրացված CV-ն (նկարի առկայությունը պարտադիր է) ուղարկել info@adgf.am հասցեով՝ պարտադիր նշելով այն աշխատատեղի անվանումը, որին հավակնում եք: Հարցազրույցի կհրավիրվեն միայն նախնական ընտրություն անցած թեկնածուները:

Դիմելու վերջնաժամկետ

2023թ. հունիսի 09-ը մինչև ժամը 18:00: