Անհատական աշխատանքների մրցույթ՝ նվիրված խնայողությունների համաշխարհային օրվան

Ավանդների հատուցումը երաշխավորող հիմնադրամը հոկտեմբերի 31-ին Խնայողությունների Համաշխարհային օրվան ընդառաջ կազմակերպում է անհատական աշխատանքների մրցույթ։ 

Անհատական աշխատանքի թեմաներն են․

1. Խնայողությունները թվային տեխնոլոգիաների արդի ժամանակաշրջանում։

2. Երիտասարդներն ու խնայողությունները։

3. Խնայողությունները որպես անվտանգության բարձիկ, թե՞ հարստանալու միջոց։

Անհատական աշխատանքի ձևաչափը․

• Լեզուն՝ հայերեն։ 
• Ֆորմատը՝ PDF։
• Անհատական աշխատանքի ծավալը՝ 300-600 բառ, տառաչափը՝ 12, տողերի միջև հեռավորությունը՝ 1․5։
• Անհատկան աշխատանքում թույլատրվում է ներառել նկարներ, սխեմաներ, ինֆոգրաֆիկա։ Հեղինակային սխեմաների և ինֆոգրաֆիկայի առկայության դեպքում պետք է կից ներկայացնել նաև վերջիններիս պատրաստման գործընթացը պարունակող սքրինշոթեր կամ վիդեոնյութեր։ Սքրինշոթերի կամ վիդեոնյութերի բացակայության դեպքում սխեմաներն ու ինֆոգրաֆիկաները կհամարվեն ոչ հեղինակային։

Կառուցվածքը՝

• Նախաբան։ Անհատական աշխատանքի սկզբում հեղինակը պետք է նշի, թե ինչու է ընտրել տվյալ վերնագիրը։
• Հիմնական մաս։ Հեղինակը պետք է խոսի խնայողությունների սեփական փորձի մասին կամ բերի կյանքից իրական օրինակներ, խնայողությունների հետ կապված հաջողության պատմություններ։
• Վերջաբան։ Եզրակացություններ։ Թեմայի վերաբերյալ առաջարկությունները կդիտվեն որպես առավելություն։

Հեղինակային իրավունքներ։ Անհատական աշխատանքում թույլատրվում է օգտագործել այլ աղբյուրներից մեջբերումներ ոչ ավելին, քան 1 անգամ։ Նման դեպքում մրցույթի մասնակիցը պետք է պահպանի բոլոր հեղինակային իրավունքները՝ նշելով հեղինակի անունը, ազգանունը, գրքի, աշխատության անվանումը, էջը և հրատարակության տարեթիվը։ Էլեկտրոնային ռեսուրսներից օգտվելիս պարտադիր է նշել կայքը։ Վիճակագրական տվյալներ վերցնելու դեպքում այլ աղբյուրներից օգտվելու սահամանափակ քանակության դրույթը չի գործում։

Մրցույթին մասնակցելու կարգը։ Մասնակիցը մինչև ս․/թ․-ի հոկտեմբերի 22-ը պետք է իր անհատական աշխատանքը, սքրինշոթերը  ուղարկի Ավանդների հատուցումը երաշխավորող հիմնադրամի էլեկտրոնային փոստին՝ info@adgf.am ՝ պարտադիր նշելով կոնտակտային տվյալներ (հեռախոսահամար և այլն)։

Մրցույթի հաղթողները կարժանանան դրամական պարգևների։

Շնորհակալություն համագործակցության համար։